МОТО ГП: Победа на Квартараро, Маркес се врати со седмото место
Возачот на Јамаха, Фабио Квартараро победи на третата трка во Мото ГП шампионатот кој се возеше за Големата награда на Португалија.
Французинот на патеката „“Алгарве’ дојде до втората победа по ред, а вкупно шеста во кареирата и воедно на својот тим му ја донесе третата победа во третата трка.
Sporting excellence that even @Cristiano would be proud of! ?
Flawless from @FabioQ20! ?#PortugueseGP ?? pic.twitter.com/6us0XEKdby
— MotoGP™? (@MotoGP) April 18, 2021
Клучниот момент кој го одлучи победникот се случи на седум кругови до крајот на трката кога Квартараро беше во битка за првото место со Алекс Ринс од Сузуки кој направи грешка и излета од патеката и тоа во моменти кога беше убедливо најбрз.
The most deserving of rounds of applause! ???
7th on @marcmarquez93‘s return! Truly heroic scenes ?#PortugueseGP ?? pic.twitter.com/SJYqGoYEbQ
— MotoGP™? (@MotoGP) April 18, 2021
До крајот на трката Квартараро немаше закана за првото место бидејќи второпласираниот Франческо Бањаја задоцни пет секунди, а третото место му припадна на шампионот Жоан Мир.
Покрај Квартараро, трката во Португалија ја одбележа и враќањето на осумкратниот светски шампион Марк Маркес кој по пауза од девет месеци се врати на патеките и го освои седмото место.