Мостот од руското копно до Крим вечерва е затворен, тревога во Севастопол на Крим
Воздушна тревога вечерва во градот Севастопол на Крим, објавија британските медиуми, пренесе БТА, а објави Гувернерот назначен од Москва, Михаил Развозаев.
Сообраќајот на мостот што го поврзува руското копно со полуостровот Крим е привремено прекинат.
На 22 септември најмалку една украинска ракета го погоди седиштето на руската Црноморска флота во Севастопол.
-За време на воздушната тревога, морскиот и копнениот јавен превоз престануваат со движење, пренесоа руските медиуми.
Гувернерот на Телеграм објави дека руските сили за воздушна одбрана собориле проектил во близина на аеродромот Белбек.
-Според прелиминарните податоци, силите за воздушна одбрана собориле еден проектил во областа на аеродромот Белбек. Работата продолжува, напиша тој.