Мојсовски: Сугестија од АМС, што повеќе да има застапеност на жените во УО на РФМ!
Во текот на денешното редовно Изборно собрание на Ракометната федерација на Македонија беа споделени и предлози, сугестии..
Една од нив дојде од Агенцијата за млади и спорт, сугестијата на директорот Наумче Мојсовски е што повеќе да има застапеност на жените во Управниот одбор на федерацијата.
– Сугестија од АМС, што повеќе да има застапеност на жените во УО. Нашата цел со следните четири години е жените да бидат рамноправни со мажите во спортот и во ракометот – вели Мојсовски.
Покрај новата поддршка која ја доби Живко Мукаетов како прв човек на македонскиот ракомет, беше составен и Управниот одбор, како и Надзорната комисија на РФМ.
Поранешната ракометарка на Кометал Ѓорче Петров, Металург и Вардар, Мирјета Бајрамоска (36) е нов член на УО на РФМ.
Таа и натаму останува активна во ракометот, но сега во поинаква улога. Како професионална ракометарка ги бранеше боите на нашата најдобра женска репрезентација, настапувајќи на позицијата лев бек.
Мукаетов: Подобро да работиме со младите, свесни дека има простор за напредок