Хрватска приреди изненадување откако во четвртфиналето на Светското првенство во Катар го елиминираше Бразил, а во полуфиналето Хрватите ги чека нов тежок испит против Аргентина.

Пред овој натпревар Модриќ зборуваше за шпански „Ел Чирингуито“. Во интервјуто Модриќ истакна дека Хрватска има победнички менталитет, баш како и Реал Мадрид.

„Никогаш не се откажуваме, секогаш играме до крај. Затоа може да се каже дека имаме иста ДНК како Реал Мадрид. Сакам да играм полуфиналиња против големи тимови, а не против големи играчи. Лео е великан, најдобриот на Аргентина и секако дека тешко ќе го запреме, но ние сме подготвиме да го дадеме најдоброто. Се надеваме дека тоа ќе биде доволно за да се пласираме во финалето“, изјави Модриќ.

Аргентина и Хрватска полуфиналето ќе го играат во вторник од 20:00 часот, а веќе е одреден и судијата за овој натпревар, тоа ќе биде Италијанецот Даниеле Орсато. Во второто полуфинале еден ден подоцна се среќаваат Мароко и Франција.