Њукомб е убеден дека и Ѓоковиќ и Надал не играат за наградите, туку нивната главна цел се трофеите на најголемите турнири.
За нешто повеќе од еден месец се очекува продолжението на тениската сезона со турнирот во Вашингтон кој треба да започне на 14 август, а УС Опен е предвидено да се стартува на 24 август.

– Многу тенисери играа за да заработат пари. Ѓоковиќ и Надал ги бркаат грен слемовите. Доколку еден од нив двајца игра, вториот сигурно вели добро, подобро и јас да играм – вели Њукомб кој смета дека Шпанецот иако најави дека ќе го прескокне грен слем турнирот во Њујорк, може да има корист од него.

– Сигурен сум дека Надал би сакал да игра на УС Опен, дури и да не триумфира на него. Ќе му биде потребен како подготовка за неговата главна цел, Ролан Гарос.