Младите одбојкарки со пораз го започнаа настапот на ЕП
Одбокарската репрезентација на Македонија до 19 години е поразена на стартот од Европското првенство од селекцијата на Финска во три сета и тоа со 25:10,25:19,25:20.
Неискуството од настапите на големите натпреварувања си го стори своето, младите одбојкарки посебно во првиот сет играа во грч. Тоа го искористија финските одбојкарки да слават со 25:10.
Како одминуваше времето, така младите македонски одбојкарки се ослободуваа од грчот и играа подобро, но немаа сили за да го изненадат противникот и во следните два сета освоија 19 и 20 поени.
Мери Бошковска со 11 поени беше најефикасна во нашатат репрезентција, Добрина Хаџи Тосева освои 6 поени. Македонија утре ќе игра против Словенија (20.30 часот), која денеска загуби од Италија со 3:1 во сетови.