Голманот на македонската ракометна репрезентација , Никола Митревски е најзаслужен за победата на Порто во второто коло од Лигата на шампионите против Фленсбург од 28:27.

Митревски беше најдобар кога беше најпотребно, во последните 15 минути од натпреварот, а во последната минута при резултат 27:27 го одбрани шутот на Менсах Ларсен по што Порто во последните секунди доби седмерец кој го реализираше Ареиа Родригес за триумф од 28:27.

Митревски натореварот го заврши со шест одбрани, но сите тие ги оствари во финишот од наптреварот, кога неговиот Порто прво успеа да ја анулира негативата од три гола, а потоа и успеа да дојде до победата.

Екипата на ПСЖ ја оправда фаворитската улога против Динамо Букурешт и славеше со 41:30.