Мировски и Димовска обезбедија финале на Европското кикбокс првенство за јуниори
Македонските кикбоксери Силвио Мировски и Марија Димовска се финалисти во своите категории на ВАКО Европското првенство за деца, кадети и јуниори во Истанбул, Турција.
Димовска во полуфиналето со 3:0 ја совлада Еданур Аџар од Турција и златото ќе се бори против Соња Вуксиќ од Србија.
Мировски се пласираше во финалето откако со 3:0 го победи Урош Крстиќ од Србија. За златниот медал ќе ги одмери силите против Ефстахиадис Кристос од Грција.
Туркер Исмаил успеа да обезбеди бронзен медал откако со 0:3 загуби во полуфиналната борба загуби од Никита Тертишњи од Украина. Претходно оствари триумф од 3:0 против Пантелејмон Арапогијанис од Грција.
На ова ЕП земаа учество 1640 натпреварувачи во 2079 натпреварувачки влезови од 38 европски држави. Македонската кикбокс репрезентација е предводена од претседателот на Македонската Кик Бокс Маи Таи федерација, Дејан Митровски Урко.
