Менаџерот на хотелот „КасаСур“, во кој престојуваше Лијам Пејн пред трагично да го загуби животот, тврди дека поранешната девојка на пејачот била таму во исто време како и Пејн.

Да потсетиме, Пејн почина на 31-годишна возраст откако падна од балконот на третиот кат во хотелот „КасаСур“ во Буенос Аирес. Естебан Граси, менаџерот на хотелот, сега изјави за аргентинските медуми дека во хотелот ја видел и поранешната девојка на Пејн, пишува „Мирор“.

„Лијам беше сам, но и неговата поранешна партнерка беше во близина“, изјави тој.

„Значи, и таа беше во хотелот?“, беше прашан во емисијата, а менаџерот одговори: „Да, еден кат погоре“.

Инаку, тој не прецизираше за која поранешна партнерка на Пејн станува збор бидејќи Граси не ја именуваше. Последната девојка на Лиам Пејн, Кејт Кесиди, го напушти Буенос Аирес за да се врати во Америка неколку дена пред смртта на Пејн, откако беше на одмор со него во Аргентина.

Многумина сметаат дека станува збор за поранешната свршеница на Пејн, Маја Хенри, но извори до пејачот го демантираа тоа.

„Маја Хенри никогаш не била во Аргентина и не се смирила со Лиам“, велат тие.