Поп-ѕвездата Кети Пери и поранешниот канадски премиер Џастин Трудо за првпат заедно се појавија на црвен тепих, со што уште еднаш потврдија дека нивната врска е сериозна.

Двојката присуствуваше на премиерата на концертниот филм „Кети Пери: турнејата Лајфтајмс – во живо од Париз“ (Katy Perry: The Lifetimes Tour – Live from Paris) во рамките на фестивалот „Трајбека“ во Њујорк.

За оваа пригода, 41-годишната пејачка избра бел фустан со детали во форма на рози и собрана фризура, додека 54-годишниот Трудо се појави во класичен црн костум со бела кошула. Додека Пери позираше пред фотографите и разговараше со новинарите и обожавателите, Трудо не ја симнуваше насмевката од лицето.

Во разговор за списанието „Пипл“, пејачката истакна дека новиот филм е сосема поинаков од нејзиниот документарец „Дел од мене“ (Part of Me) од 2012 година.

„Тоа беше документарец за мојот живот, а ова е концертно искуство на највисоко ниво за фановите“, изјави Пери.

Гласините за романса меѓу пејачката и канадскиот политичар започнаа во јули 2025 година, кога беа фотографирани во парк во Монтреал, а подоцна и на вечера во познат ресторан во градот. Набргу потоа, Трудо беше забележан и на нејзин концерт во Монтреал.

Нивната врска започна кратко откако беше потврдено дека Кети Пери и актерот Орландо Блум ја раскинале свршувачката по девет години заеднички живот.

Во меѓувреме, Кети веќе се зближила и со децата на Трудо. Неговиот 18-годишен син Ксавиер неодамна откри дека често бара музички совети од пејачката.

„Кога сум навистина задоволен од некоја песна, ѝ ја испраќам. Таа секогаш е подготвена да ми даде совет или да ми каже што би требало да променам“, изјавил тој.

Ова не е прв јавен настан на кој заедно се појавуваат Пери и Трудо, но е нивно прво официјално заедничко позирање на црвен тепих.

ФОТО | Кети Пери сподели нова фотографија од Џастин Трудо и испрати силна порака