И покрај тоа што постојат повеќе изрази за особено „надарен“ човек, сега можеби ни треба уште еден – „секогаш подготвен како алигатор“. Иако, искрено, тоа не звучи баш пријатно, кај луѓето ситуација во која пенисот би бил често или постојано во ерекција би се сметала за медицинска состојба. Кај алигаторите, пак, тоа не функционира на ист начин како кај човекот, па затоа се вели дека се „секогаш подготвени“, пишува „Вајс“.

Да, како да не беа доволно застрашувачки со своите остри заби и моќни опашки, алигаторите имаат и необична репродуктивна анатомија. Но работата не е баш толку „скандалозна“ како што звучи. Машките алигатори не одат наоколу постојано со видлива ерекција. Нивниот орган е скриен во телото и излегува само кога е потребно. Нешто како „скриена механичка играчка што се активира“.

Според една студија 2013 година, пенисите на машките алигатори се направени од цврсто фиброзно ткиво и се „исфрлаат“ за време на парење, по што се повлекуваат со слична брзина.

„Навистина е интересно и навистина бизарно, многу различно од сè што сме виделе кај ‘рбетниците“, изјавила авторката на студијата Дајан Кели за „Лајв саенс“.

Пред ова истражување, научниците знаеле многу малку за механиката на парењето кај алигаторите. За да одговори на ова прашање, Кели започнала подетално проучување.

По дисекција на исклучително голем алигатор од околу четири метри во Луизијана, таа открила орган долг околу седум сантиметри во внатрешноста на неговата клоака, која кај алигаторите служи и за излачување и за репродукција.

Пенисите кај алигаторите не се „полнат“, туку остануваат во подготвена состојба

Ова откритие станало уште поинтересно кога било утврдено дека органот е исполнет со колаген, цврст структурен протеин. Кога се обиделе да внесат течност за да предизвикаат промена, не се случило ништо.

„Се обидов кај алигаторот и не добив никаква промена во должина, ниту во дебелина. Ништо не се случи“, објаснила Кели за „Лајв саенс“.

Тогаш станало јасно дека пенисот кај алигаторите не функционира како човечкиот, кој се полни со крв, туку е постојано во „подготвена“ форма. Со повлекување на одредени тетиви во близина на клоаката, органот се активира и излегува нанадвор.

„Штом тие мускули се опуштат, пенисот веднаш се враќа во првобитната положба“, изјавила Кели.

Значи, пенисот кај алигаторите не може да биде „опуштен“ на начин како кај цицачите. Тој е секогаш во структурно подготвена состојба и се активира само за време на парење.

И така, постои едно навистина необично биолошко решение кај еден од најстарите влекачи на планетата.

Херoина од Јужна Каролина: Го спасила сопругот од алигатор удирајќи го со стап за домати во очите и главата