Необичен и симпатичен момент го одбележа тенискиот турнир во Макарска, откако двајца редари беа снимени како танцуваат на звуците на хитот „Напиле се улице“ од легендарната група „Бијело дугме“.

Видеото беше објавено на официјалниот профил на турнирот и брзо го привлече вниманието на корисниците на социјалните мрежи.

„Кога би требало да избереме еден омилен момент… тоа можеби би бил овој“, напишаа организаторите покрај објавата.

На снимката се гледа како двајцата редари, додека ги извршуваат своите работни обврски, накратко се опуштаат и заплескуваат во ритамот на популарната песна, предизвикувајќи насмевки кај присутните.

Видеото собра илјадници лајкови и бројни позитивни коментари.

„Треба да се знае како да се спои корисното со убавото. Секоја чест, момци“, гласи еден од коментарите под објавата.

Тенискиот турнир во Макарска се одржа од 1 до 7 јуни, а победничка на годинашното издание беше Марија Тимофеева.

ФОТО | „Бијело дугме“ ја разбуди носталгијата кај публиката во Скопје