Меѓународната конфедерација на синдикати (МКС) денеска го суспендираше генералниот секретар, Лука Висентини, поради можна негова вмешаност во случајот „Катаргејт” за наводна корупција во Европскиот парламент.

Висентини, кој пред еден месец стана генерален секретар на МКС, изјави дека е невин.

МКС соопшти дека на вонреден состанок била донесена одлука за суспензија на Висентини до 11 март, кога повторно ќе биде разгледувано прашањето.

„Ова на ниту еден начин не подразбира каква било вина”, се наведува во соопштението на МКС.

Висентини беше еден од шесте лица кои беа приведени на распит во врска наводните плаќања направени од Катар за да се влијае врз донесувањето одлуки во Европската унија (ЕУ), но тој не е еден од четворицата обвинети во аферата наречена „Катаргејт”.

Катар негираше вмешаност во коруптивни активности.