Данил Медведев го елиминираше моментно најдобриот тенисер во светот, Карлос Алкараз, во полуфиналето на турнирот во Индијан Велс, САД. Медведев славеше по нешто повеќе од час и половина игра против Шпанецот со резултат 2:0 во сетови 6:3 и 7:6 (3). Ова е прв пораз на Алкараз оваа година, по 16 последователни триумфи.

Во првиот сет, Медведев беше повеќе од самоуверен, не дозволувајќи му шанса на противникот, а клучниот брејк го направи во четвртиот гем.

Во вториот сет Алкараз направи брејк за 3:1, дојде и до шанса да дојде до израмнување во сетови, при водство од 5:4 имаше две сет топки, но истите не успеа да ги искористи.

Се влезе во тај-брејк во кој Шпанецот дојде до првиот поен во тај-брејкот, но застана тука. Медведев врза шест поени по ред, брзо користејќи ја третата меч-топка.

Медведев на тој начин му се одмазди на Алкараз за неговите порази во Калифорнија во 2023 и 2024 година. Финалето помеѓу Медведев и Јаник Синер е закажано за в недела од 22.00 часот по македонско време.

Италијанецот Синер во второто полуфинале го совлада Германецот Александер Зверев со 6:2 и 6:4 по еден час и 24 минути игра.

A chart-topping performance 💎@DaniilMedwed is into his 11th Masters 1000 final after a scintillating 6-3, 7-6(3) win over Alcaraz! @BNPPARIBASOPEN | #TennisParadise pic.twitter.com/bEViZiYssc

— ATP Tour (@atptour) March 15, 2026