По блескавите настапи на легендарната „Интерлагос“, Ландо Норис направи огромен чекор кон освојување на првата титула во Формула 1. Британецот од Мекларен покажа зрелост и целосна доминација, па три трки пред крајот на сезоната 2025 ја има контролата над шампионатот во свои раце.

Во пресрет на последните три викенди, Лас Вегас, Катар и Абу Даби, Норис води со 24 поени пред Оскар Пјастри, додека актуелниот шампион Макс Верстапен заостанува 49 поени.

Во игра се уште 83 бодови: 75 од главните трки и дополнителни осум од катарскиот спринт, што значи дека математички само Норис, Пјастри и Верстапен остануваат во трката за титулата.

Особено интересна е комотната предност на Норис, тој може да стане шампион и без да победи до крајот. Дури и во сценарио каде би завршил втор на сите три трки и трет во спринтот, а Пкастри ги добие сите четири преостанати натпреварувања, Британецот би ја освоил титулата за само еден поен.

Преземено од: Спорт.ком.мк