Извршниот директор на Интер, Бепе Марота изјави дека во времето на пандемијата на коронавирусот, приходите паднале толку многу што платите на играчите изнесуваат 70 проценти од приходите и дека ниту еден клуб не може да преживее.

– Во време на ковид-19, износот на приходот е неизвесен, но затоа трошоците се постојани. Платите на играчите достигнаа 70 проценти од приходот и ниту еден клуб не може да го преживее тоа.

Европскиот фудбалски модел е застарен и треба подобро да се користат ресурсите, а проектот за Суперлигата требаше да биде решение за таквата ситуација – рече Марота.

Проектот на Европската фудбалска Суперлига пропадна за помалку од 72 часа откако УЕФА, ФИФА и националните федерации се заканија со строги санкции.

Прво, шест клуба од англиската Премиер лига (Манчестер сити, Челзи, Манчестер јунајтед, Ливерпул, Арсенал и Тотенхем) ја напуштија Суперлигата, а потоа Атлетико Мадрид, Интер и Милан, оставајќи само три клуба – Реал Мадрид, Барселона и Јувентус.

Перез: Трансферите на Халанд и Мбапе се „невозможни“ без Суперлигата!