Манасков, Костески и Димитриевски први стрелци во Унгарија, Австрија и Шпанија
Одлична партија имаа тројца македонски ракометари за нивните клубови во странство, Дејан Манасков за унгарскиот Веспрем, Никола Костески во дресот на австрискиот Линц и Дарко Димитриевски за шпанскиот Синфин.
Во рамките од деветтото коло во најсилната шпанска АСОБАЛ лига составот на Синфин загуби на домашен терен Атл. Ваљадолид со 25:29. Левиот бек Димитриевски беше најрасположен кај домаќините со шест голови. Синфин е моментно на претпоследната 17 позиција со два бода.
Во австриската лига во својот седми меч сезонава Линц претрпе пораз кај Кремс (35:28). Десното крило Костески кај гостите беше прв стрелец со 10 голови. Линц и натаму нема триумф во шампионатот за моментно последна 10 позиција со еден бод.
Веспрем ја продолжува победничката серија од почетокот на првенството во Унгарија за моментно лидер со максимални 16 бодови. Нова фантастична партија имаше левото крило Манасков како најдобар во гостинската победа над Ѓенѓеш (25:35) со 12 погодоци.