Откако македонските екипи на Вардар 1961 и Е. Пелистер останаа без пласман на СЕХА Газпром завршниот турнир, во хрватскиот Задар од 3-5 септември ќе имаме еден наш претставник.

Македонското репрезентативно лево крило Дејан Манасков ги брани боите на Веспрем кој е еден од учесниците на Ф4 турнирот во битката за титулата во ова регионално натпреварување.

Денеска на програмата се полуфиналните дуели, ППД Загреб иако беше елиминиран во четвртфиналната фаза од Вардар 1961, се најде меѓу учесниците поради позитивен случај на ковид-19 во редовите на „црвено-црните“.

Од 18.00 часот хрватскиот состав ќе ги одмери силите против Мешков Брест од Белорусија, а од 20.30 часот унгарскиот Веспрем ќе игра против Мотор Запорожје од Украина.

На 5 септември од 16.30 часот е борбата за третото место, а од 19.00 часот е мечот за трофејот.