Францускиот претседател Емануел Макрон најави дека е „веројатно“ од следната година на учениците од средните училишта во Франција ќе им биде забрането да користат телефони, проширувајќи ја постоечката мерка што веќе важи за помладите ученици, пишува Политико.

Макрон истакна дека првата фаза од забраната во основните училишта функционирала „прилично добро“ и изрази поддршка за воведување слични ограничувања и за учениците на возраст од 15 до 18 години.

Министерот за образование, Едуар Жефри, веќе ја разгледува можноста за нов закон, бидејќи сегашната забрана од 2018 година опфаќа само предучилишни установи, градинки и основни училишта.

Воведувањето забрана во средните училишта може да бара дополнителни законски промени.