Најдобрата женска тениска репрезентација на Македонија со пораз од 2:0 од Австрија го заврши настапот во годинашново издание од Втората Евро-африканска зона од Били Џин Кинг купот што се играше во Бања Лука, Босна и Херцеговина.

Ова беше дуел за пласман откако двете репрезентации по натпреварите во групи го загубија пласманот во оваа зона и следната година ќе настапуваат во Третата Европска зона од БЏК купот.

Во двата сингл меча за македонскиот тим настапија Ана Митевска и Сара Митевска. Во првиот меч Ана Митевска загуби со 2:0 во сетови (6:2 и 6:1) од Клаудија Гаспаровиќ, додека во вториот меч Екатерина Перелигина ја победи Сара Митевска со 2:0 во сетови (6:2 и 6:4). Мечот во двојки не се играше.

Мечевите се играа во Бања Лука, а македонскиот тим беше најмладиот во конкуренција на 10 репрезентации.

Пласман во Прва зона избори Бугарија која води против Кипар со 2:0, додека Грција има водство против Јужна Африка со 1:0. За опстанок во Втората зона играат: Финска – Египет и Мароко – БиХ, поразените репрезентации заедно со Македонија и Австрија на напуштаат Втората Евро-африканска зона.

Нашите најдобри тенисерки во Бања Лука претрпеа порази и на дуелите против Египет, Бугарија, Јужна Африка и Мароко.