Македонските тенисери обезбедија пласман во Третата европска група
Денеска најдобрата македонска тениска репрезентација во машка конкуренција во Четвртата европска група во Дејвис купот, на терените на ТК „Југ“ во Скопје ја оствари и третата победа.
Овојпат беше совладана Молдавија со 2:1, во сингл Калин Ивановски двапати со 6:1 беше подобар од Андреј Горбан, додека Горазд Србљак кој исто така беше убедлив со 6:1 и 6:0 беше подобар од Макси Казак.
Во последниот трет меч во двојки, Обрад Марковски и Стефан Мицов го освоија првиот сет со 6:2, во вториот Казак и Горбан водеа со 3:1, а потоа нашите натпреварувачи го предадоа мечот.
Претходно нашата селекција успеа да слави против Косово (3:0) и Андора (3:0), а во третиот меч загуби од Сан Марино (1:2).
Македонија заедно со Молдавија од групата „Б“, како и Црна Гора и Ерменија се пласираат во Третата европска група од Дејвис куп натпреварувањето.