Македонските каратисти со пет медали на меѓународниот турнир во Самобор
Нови успеси на македонското карате на меѓународната сцена, на 30. карате турнир „Гранд при Кроација“ во Самобор, Хрватска.
Нашите натпреварувачи успеаја да освојат вкупно пет медали, од кои три златни и два сребрени.
Во женска конкуренција во македонското финале во категоријата -55 кг. (У21) Марија Милева од Олимпик Спорт 2007 – Скопје триумфираше против Рудина Алиу од Цветан Димов – Скопје со резултат 7:0.
Стефан Стојановиќ (Макпетрол МКД) е првопласиран во категоријата +84кг (У21) откако во финалето го совлада Словенецот Урош Маркуљевиќ со 6:0.
А со злато се закити и членот на Спорт 94 – Прилеп, Матеј Белистојаноски во категоријата -60 кг (У21) кој беше подобар со 2:0 од Никлас Маринич Тамше (Словенија).
Андреј Ангеловски од Олимпик Спорт 2007 – Скопје е второпласиран во категоријата -75 кг. (У21) зад Азербејџанецот Фари Агхајев кој беше подобар со 4:2. Сите резултати можете да ги погледнете на следниот линк ТУКА