После камбекот во Лигата на шампионите против Алборг, Дејан Манасков им се врати и на настапите во најсилното унгарско првенство.

Македонскиот репрезентативец имаше одлична партија, како во своите најдобри денови, беше прв стрелец со 10 голови на денешниот дуел против Дабас.

Кај неговите соиграчи Сипос и Лекаи имаа по шест голови, а пет запиша Благотиншек.

На табелата води Веспрем со 46 бодови, еден повеќе од второпласираниот Пик Сегед.

За играчите предводени од тренерот Момир Илиќ во шампионатот до крајот на сезоната им останаа уште два меча, на 20 мај на гостински терен против НЕКА, и на 28 мај дома против Татабања. А Пик Сегед во првенството на гости кај Дабас на 27 мај.