Во првиот натпревар од четвртфиналето во Лигата на шампионите екипата на Веспрем триумфираше на домашен терен против Алборг со 36:29.

Ова е добра предност за Унгарците пред возвратната пресметка која ќе се игра во Данска на 18 мај.

Како што веќе и објавивме, по пауза од осум месеци на терените се враќа Дејан Манасков кој беше во составот на Момир Илиќ за денешните први 60 минути против Данците.

На овој меч македонскиот репрезентативец еднаш се запиша во листата на стрелците. И ЕХФ го поздрави враќањето на нашиот играч и му посакаа добредојде на терените.

Кај неговите соиграчи најефикасен беше Маргуч со седум погодоци, шест запиша Омар, а по пет Мае и Нилсон.

На спротивната страна шест голови имаше Јуул, по пет Сандел и Бјорнсен, а четири беа дело на Клаар.

Welcome back, Dejan #Manaskov! ?
And what a first goal after more than 7 months out with a knee injury ?@telekomveszprem #AalborgHåndbold #ehfcl #MOTW pic.twitter.com/cXZcCufDFI

— EHF Champions League (@ehfcl) May 12, 2022