Андреј Магдевски е прогласен за играч на второто коло од романското првенство благодарение на својата одлична партија во последниот натпревар за Плоешти.

Македонскиот репрезентативец во убедливиот триумф над Рапид Букурешт во тамошниот шампионот беше еден од поефикасните во својата екипа.

За 30 минути поминати на паркетот искусниот бек постигна 13 поени, 13 асистенции и 10 скока, доволно за индекс 30.

Неговата игра е главната причина што Плоешти има две победи по првите две кола од новата сезона во романскиот шампионат.

На табелата Плоешти е на делба на првото место со Питешти и Орадеа со по четири бодови, а во следното коло ќе игра со Мијеркуреја Чук кој има досега два порази.