Македонскиот голман Илиев на позајмица во Шрусбери таун (ФОТО)
Нашиот репрезентативен чувар на мрежата пронајде нов клуб во неговата кариера, поточно ќе ги брани боите на Шрусбери таун.
Оваа екипа настапува во првата англиска лига, во новата сезона моментно и натаму нема триумф по одигрувањето на првите четири кола.
Македонскиот голман Дејан Илиев, кој е играч на Арсенал, до крајот на јануари 2021 година ќе игра како позајмица во Шрусбери таун.
✍️ | Welcome ????? ????? ?
Shrewsbury Town sign @Arsenal keeper on a short-term loan. #Salop
— Shrewsbury Town FC (@shrewsweb) October 8, 2020
Менаџерот на оваа екипа, Сем Рикетс е задоволен што ги обезбеди услугите на голманот на „топчиите“ и едвај чека да соработува со Македонецот.
– Дејан веќе неколку години е во Арсенал. Тој, исто така, напредуваше во возрасните групи и со Македонија, тој има добро педигре. Тој беше на позајмица во Полска и Словачка, задоволни што ќе го имаме во составот. Тој носи поголема конкуренција за голманските позиции. Мети се повреди, сакавме да привлечеме уште еден голман и со нетрпение очекуваме да работиме со него – рече Рикетс.