Македонската одбојкарска репрезентација поразена во првиот меч на турнирот „Чајка“
Денеска најдобрите македонски одбојкари во својот прв натпревар на 47 издание на меморијалниот турнир „Чајка“ загуби од Јапонија со резултат 3:0 во сетови.
Јапонците го освоија првиот сет со 25:20, вториот со 25:18, а последниот трет со 25:20.
Избраниците на селекторот Јошко Миленкоски в сабота од 20.15 часот ќе го игра вториот меч на турнирот против Египет.
Египќаните на стартот беа подобри од селекцијата на Грција со резултат 3:1 во сетови.
Ваквите силни натпревари на репрезентацијата на Македонија се подготовка за настапот на Европското првенство 2023 во Скопје кога од 30 август до 6 септември третпат ќе учествуваме на континентален собир.
Потсетување дека влезот во СЦ „Борис Трајковски“ – Скопје каде се одржува турнирот „Чајка“ е слободен за сите љубители на одбојката и спортот.