Македонија ќе биде домаќин на тенискиот „Били Џин Кинг Куп“
Македонската тениска федерација и оваа година ја доби организацијата за „Били Џин Кинг Куп“, група 3.
Светското екипно натпреварување за жени – Трета Европска група ќе се одржи во периодот од 3 до 9 ти јули 2023, во ТК ЈУГ Скопје.
Меѓу 11 репрезентации кои ќе учествуваат на овој куп, свој настап ќе има и нашата женска репрезентација која ќе се бори за место во Втората група.
Покрај Македонија, во Скопје ќе учествуваат и селекциите на Албанија, Ерменија, Азербејџан, Кипар, Финска, Исланд, Луксембург, Црна Гора, Молдавија и Сан Марино.
Минатата година нашите тенисерки триумфираа над Јужна Африка, Боцвана, Уганда и Косово, а во финалето загубија од Португалија.