Македонија единствена на Светското ракометно првенство без нереализиран пенал

фото: EPA-EFE/Lukasz Gagulski

По убедливата победа над Мароко во „Президент купот“, за македонската сениорска репрезентација останува уште еден натпревар на Светското ракометно првенство во Полска и Шведска.

В среда од 18.00 часот избраниците на селекторот Кирил Лазаров за 27 место ќе играат против селекцијата на Јужна Кореја.

Статистиката вели дека наш најдобар стрелец на СП е Филип Кузмановски со 29 голови (29/42, 69%), а има и најмногу асистенции (25).

Нашата репрезентација до сега е најдобра на Мундијалот кога се во прашање ударите од линијата од седум метри.

Без ниту еден нереализиран пенал, Македонија по шест одиграни натпревари е единствена со 100% учинок, сите удари завршија во противничките мрежи (17/17).

На второто место се Исланѓаните (23/24, 96%), а третопласирани Србите (21/23, 91%). Најслаби во овој сегмент се Американците (7/13, 54%).

СП 2023: Познати сите парови за четвртфиналето

Видео на денот