Македонскиот кошаркарски репрезентативец Стојан Ѓуроски беше втор стрелец за својот Оуренсе со 13 поени, запиша и две асистенции, но тоа не беше доволно за конечен успех.

Екипата на Естела во еден израмнет меч триумфираше над Оуренсе со резултат 75:69.

Оуренсе има учинок 6-16, а во следното коло ќе биде домаќин на Мелилја, еден од поранешните клубови на нашето крило.

Неговиот репрезентативен колега Андреј Магдевски го одигра еден од своите најдобри натпревари во дресот на Донар Гронинген во рамките од Златната лига во BNXT, лига во која се спојуваат најдобрите пет кошаркарски клубови од Белгија и Холандија.

Во првото коло, Донар загуби на гостувањето кај еден од најдобрите белгиски тимови Антверп Џајантс со 81:88. А бекот Магдевски постигна 15 поени и беше најефикасен во тимот од Гронинген. Освен тоа, додаде уште и седум асистенции, имаше и по два скока и две украдени топки.