Белгискиот тенисер Александр Блокс се пласираше во полуфиналето на Мастерс турнирот во Мадрид, Шпанија, откако денеска го победи бранителот на титулата од минатата година, Каспер Руд од Норвешка, со 2:0 во сетови 6:4 и 6:4 по еден час и 36 минути игра.

Блокс го доби својот прв брејк во третиот гем, но Руд возврати во осмиот гем и го израмни резултатот на 4:4.

Белгиецот направи брејк на сервисот на Норвежанецот во следниот гем, а потоа ја искористи четвртата сет топка на свој сервис.

Во вториот сет од мечот, Блокс направи брејк во седмиот гем што беше клучно за триумф над Руд.

Ова е прво полуфинале на 21-годишниот Белгиец на мастерс турнирите, а во следната рунда го чека победникот од мечот меѓу третопласираниот играч на светот, Германецот Александер Зверев, и 13 тенисер на АТП листата, Италијанецот Флавио Коболи.

Веќе е позната првата полуфинална двојка, првиот носител на турнирот, Јаник Синер (Италија) ќе игра против Артус Фис од Франција.