Кралицата Камила, сопругата на кралот Чарлс има две деца со поранешниот сопруг Ендрју Паркер Боулс. Со текот на годините, таа не криеше колку е блиска со нејзиниот син Том и ќерката Лора, тие ја бодреа додека и се справуваше со негативните коментари по смртта на принцезата Дијана.

Деновиве нејзиниот син Том одлучи да стави крај на долгогодишните гласини за лошите навики и пороци на Камила.

Во интервју за „Тајмс“ изјави дека некои информации кои со години се појавуваат во медиумите се „целосно неточни“, особено шпекулациите дека кралицата Камила „пие џин и пуши“. Поточно, тој откри дека неговата мајка никогаш во животот не се напила чашка џин и дека не пуши.

Тој додаде дека гласините веројатно потекнуваат од интервјуто кое неговата мајка го дала за британскиот „Канал 4“.

„Единствено ми е важно што моите родители се среќни, а мајка ми е исклучително среќна во моментов. Секогаш го обожавав мојот очув, тој секогаш беше драг, добар и прекрасен човек. Тој е човек со топлина, интелигенција, човечност и мислам дека ако некогаш се случи, ќе биде фантастичен крал“, изјави Том во една прилика.

Потсетуваме, Камила и Ендру беа во брак 22 години, а неодамна покажаа дека и покрај се останале во коректни односи. Имено, папараците ги снимиле додека лежерно разговараат на промоцијата на книгата на Том, а во еден момент се бакнале и во образ.

Двојката се раздели откако тогашниот принц Чарлс призна дека има афера со Камила. Иако таа и Ендру се изневеруваа во бракот, работите се сменија кога аферата стана јавна.