Менаџерот на Челси, Френк Лампард изјави дека гледа намери во клубот да ја подобри ситуацијата во наредните години, пренесува „Скај Спортс“.

Лондонските „сини“ моментно се наоѓаат на 11 позиција на табелата во Премиер лигата и има мали шанси следната сезона да стигне до местата кои водат во европските клупски натпреварувања.

– Апсолутно би потпишал за Челси сега. Има толку многу добри работи за овој клуб. Поговорката вели дека формата е минлива, а квалитетот е постојан. Гледам фантастични намери за подобрување на клубот. Многу од великаните на светскиот фудбал поминуваат низ овој процес на некој начин и што поуспешно го надминете, толку повеќе пехари ќе освоите кога ќе дојде време да наплатите за сето ова – рече Лампард.

Тој додава дека му е драго што е дел од позитивните процеси во клубот од „Стемфорд Бриџ“.

– Тоа е примамлив предизвик. Најлесно е да се приземји со падобран на место каде што сè е уредено и успешно. Учинокот на домашен терен не е одличен. Ниту откако пристигнав, ниту пред мене. Човечки е тоа да создава нервоза кај играчите и тренерите. Единствениот начин да се надмине кризата е да се обиде да ги направи вистинските работи. Бев во ситуација во која сега се моите играчи. Едноставно мора да ја надминат – се зборовите на Лампард.

Како играч Лампард имаше голем број на успеси со Челси, трипати ја освои Премиер лигата, четирипати ФА купот, по двапати Лига купот и Комјунити Шилд, а по еднаш Лигата на шампионите и Лига Европа.