Ландо Норис до пол позиција за спринт трката во Кина
![](https://www.slobodenpecat.mk/wp-content/uploads/2024/04/12168560.jpg)
Возачот на „Мекларен“, Ландо Норис, ќе стартува од пол-позицијата на првата спринт трка од сезоната во Формула 1, која ќе се вози за Големата награда на Кина.
Конечниот редослед на возачите во спринт трката ќе го одреди редоследот на возачите на неделната трка, петта од овогодинешниот шампионат во Формула 1.
Норис до првата позиција на дождот во Шангај стигна со круг од 1:57.940 мин., а во првиот стартен ред ќе биде неговиот сонародник, Луис Хамилтон во „Мерцедес“. Зад нив ќе стартуваат Фернандо Алонсо и Макс Верстапен.
Дождот кој почна да врне на крајот од втората квалификациска сесија направи вистински хаос во третата квалификациска сесија, кога се засили.
Многумина грешеа и излетаа, Верстапен два пати, а Луис Хамилтон, Ландо Норис и Шарл Леклер по еднаш. Серхио Перез возеше добро и без ниту една грешка, но квалификациите ги заврши само на шестото место.
Look at that starting grid! 😮
Her's how the drivers line up for the first #F1Sprint of the season 👀#F1 #ChineseGP pic.twitter.com/0ix5LPN3px
— Formula 1 (@F1) April 19, 2024