Квалификации за СП: Кошаркарите разочараа, вторпат поразени од Грузија

Македонија го претрпе и четвртиот пораз во квалификациите за Светскиот куп/Фото: Драган Митрески/Слободен печат

Една малку поинaква и многу подобра Македонија во „реваншот“ против Грузија. Имавме одличен почеток на овој четвртти натпревар од квалификациите за Светскиот куп 2023. Најавивме и реализиравме многу оодобра игра од онаа од пред некоја вечер во Тбилиси.

Во Скопје „сликата“ за вистинските можности на нашата репрезентација беше далеку подобра. Но, по втор пат а кратко време, пресуди квалитетот кој го имаат во рацете играчи како Мек Фејден, Шермадини, и „логистика“ потребна за вакви, квалификациски мечеви. Грузијците славеа по вторпат со 65:79.

Едноставно со Ненад Димитријевиќ во тимот, со Андреј Магдевски како дополнителен плус на првата бековска позиција, од самиот почеток на натпреварот видливо беше дека нашите момци се и тоа како мотивирани да стигнат од толку посакуваниот триумф, прв во квалификациите за Светскиот Куп 2023.

Фото: Драган Митрески/Слободен печат

Повратникот во националниот тим реализираше осум поени, капитенот Стојановски пет на отворањето на мечот во А1 Арената „Борис Трајковски“. За водство од (17:14), кое со поените на Робев и на Магдевски, го задржавме до истекот на првата четвртина, водевме со (21:18).

На почетокот на втората, Македонија стигна до најголемата предност (20:15). По поентирањето на Вајли, имавме идентичен плус од првиот дел (31:28), но во завршните минути од вториот период, гостите од Грузија направија серија од (10:0) за преземање на водството.

Грузијците имаа сосема солидни (38:31), а по тројката на нивниот најдоба играч и во Скопје, Мек Фејден, тие ги претворија во двоцифрени (41:31). Серијата на Грузија, со својот 14 поен во полувремето ја прекина Димитријевиќ, погоди уште две слободни фрлања за да ги постави конечните (35:43) на полувремето.

Фото: Драган Митрески/Слободен печат

Противникот одново се одвои на двоцифрена предност (51:40), но зборот предавање кај нашите кошаркари – не постоеше. Следуваше наша серија, од (12:3), со која се доближивме на само еден посед (52:54), по „два плус еден играта“ на Вајли – минута 28.

Тројката на неверојатниот Мек Фејден, ја прекина серијата на наши последувателни поени, постави (58:52) за Грузија по три одиграни четвртини. По деветтата тимска тројка, гостите одново се одвоија на двоцифрено резултатско растојание (67:57), кога останаа да се доиграат шест минути.

На ист начин одговори Стојановски, за (60:67). Сигнавме уште еднаш на -4 (65:69). Но Грузија најде одговор и за тој наш напад. Со пет поени по ред, имаа иста позитива (74:65), на три минути до крајот и не ја испуштија. Во нашите редови најефикасен беше Димитријевиќ со 25 поени (седум скокови), следен од В. Стојановски со 13 поени, а Вајли реализираше 10 поени (девет скокови). На спротивната страна Мекфејден постигна 24 поени (пет асистенции).

Видео на денот