Куп „Благоја Георгиевски-Буштур“: МЗТ Скопје и ТФТ бркаат историја, кај дамите реприза од ланското финале
Кошаркарите на МЗТ Скопје вечерва (19:30 ч.) имаат историска шанса со евентуален триумф во финалето на кошаркарскиот куп „Благоја Георгиевски-Буштур“ во кое ќе игра против ТФТ, да стане тим со највеќе победи во ова натпреварување.
МЗТ Скопје и Работнички имаат по десет трофеи во кошаркарскиот куп, а вечерва тимот од Аеродром има шанса да му избега на вечниот ривал.
„Металците“ кои на завршниот турнир во Купот, прво во четвртфиналето го совладаа Гостивар со 87:85 а потоа во полуфиналето беа подобри од Феникс со 76:66, а последна препрека ќе им биде екипата на ТФТ која оствари две убедливи победи над Пелистер (105:93) и над Навико Академија ФМП (94:72). Ова за ТФТ ќе биде прво финале во кошаркарскиот Куп и ќе се обиде да дојде до првиот трофеј во клупската историја.
Во женска конкуренција во финалето (17 ч) ќе се сретнат двете најдобри екипи во моментов во Македонија, Баскет Кам 2011 и Бадел 1862. Овој дуел воедно ќе претставува реприза од минатогодинешното финале кои му припадна на Баскет Кам со 81:64 славеше над Бадел 1862.
Најтрофејна екипа во женска конкуренција е Бадел 1982 кој претходно се натпреваруваше под името Бигор Скопје, со девет трофеи во Купот.