Деветнаесетгодишниот Немања Ф. попладнево околу 17 час бил избоден со нож во Белград, а набргу потоа им подлегна на повредите во Ургентниот центар, објавија српските медиуми.

Осомничени за нападот, според неофицијални информации, се тинејџери на возраст од 19 и 16 години, кои биле пронајдени и уапсени кратко по злосторството.

На местото на нападот, жена која била сведок на морничавиот инцидент ги опиша деталите.

„Момчињата се скараа во автобусот, а потоа излегоа надвор, по што го избодеа несреќното дете. Тој ја изгубил свеста во моите раце“, вели жената низ солзи за „Блиц“.

Ранетото момче било итно префрлено во Ургентниот центар со сериозни телесни повреди на одделот за реанимација, но лекарите не успеале да го спасат. Од службите за итни случаи за Танјуг изјавија дека било прободено во грбот и во бутот, и дека неговата здравствена состојба нагло се влошила.

Тинејџерите половина час по злосторството биле уапсени во автобус, а кај повозрасниот бил пронајден нож со траги од крв.

Поминаа 46 години од смртта на Тито: Каков беше бурниот живот на маршалот кој флертуваше со Истокот и со Западот?