Бизнисменот Трифун Костовск во новото соопштение реагира на објавата во некои од медиумите кои објавија дека фирмата Пантелеон ГС на третата по ред и последна аукција понудила 5,37 милиони евра за дирекцијата на бившата Еуростандард банка, со купна квадратура од 3,500 м2 со можност на доизградба на нови 800 м2 во самиот епицентар на Скопје, за што тој вели дека му го „крчмат имотот“.

Го крчмите мојот имот без око да ви трепне. Предупредувам дека мојата војна против организаторите на овој криминоген чин ќе оди до крај, вели Костовски.

Според него, зградата на бившата Еуростандард банка „по ниту еден параметар не смее да биде подолу од 12 милиони евра“.

Самиот манипулативен чин за ефтино купување на мојот имот е ваш потег да го обезвредните собраниот капитал во стечајната маса и со тоа на јавноста да докажете дека јас и моето семејство сме виновни доколку не се соберат средства за обештетување на правните, физички лица и нас, акционерите, вели Костовски.