Еурофарм Пелистер го доведе шестото засилување за сезоната 2020/21, клубот постигна договор со ППД Загреб и го откупи договорот на младиот репрезентативец на Македонија, Ненад Костески (19).

Десното крило стави потпис на тригодишен договор со битолската екипа. Овој млад играч кариерата ја започна во Струга, а од минатата сезона се пресели во Хрватска.

По доведувањето на двајца млади ракометари, како Кукуловски и Танковски, Еурофарм Пелистер ангажираше трето домашно засилување и наскоро ќе го претстави пред јавноста.

Костески се наоѓа во Загреб и се очекува негово пристигнување во нашата земја. Стружанецот ќе се јави на прозивката на Жељко Бабиќ на 27 јули.

Еурофарм Пелистер претходно се засили со Танкоски, Периќ, Мараш, Мандалиниќ, Кушан. Договорите се продолжени со Трајкоски, Вегар, Граџан, Ѓукиќ и Кукоски.