Закопани коски стари најмалку 400 години беа откриени за време на градежните работи во средновековниот германски замок Траусниц во истоимената општина во германската покраина Баварија. Откако багер откри човечки остатоци за време на реновирањето на фасадата на замокот, работата беше стопирана, објавува „Билд“.

Полицијата е известена, а кривични истражители и археолог од канцеларијата на окружната администрација се задолжени за истрага на случајот.

„Врз основа на прелиминарното испитување, остатоците веројатно се делови нозете ,  ’рбетот и главата. Остатоците би можеле да бидат стари повеќе од 400 години“, изјави портпаролката на полицијата.

Таа додаде дека коските најверојатно им припаѓаат на неколку луѓе.

„Како живееле, како починале и зошто биле закопани таму, во моментов е непознато“, изјави потпаролката на полицијата.

Патем, замокот Траусниц од 13 век бил седиште на војводите, а подоцна се користел како касарна и болница.