Кошаркарите на Пелистер заминуваат на подготвителен турнир во Плевен
Кошаркарите на Пелистер се подготвуваат за новата натпреварувачка сезона во салата „Боро Чурлевски“ во Битола.
По серијата секојдневни тренинзи, в четврток битолчани заминуваат на подготвителен турнир во Плевен, Бугарија.
Организатор на турнирот е КК Спартак Плевен, а ќе учествуваат уште поранешниот бугарски шампион, Левски, како и ТФТ Скопје од Македонија.
Потсетување дека КК Пелистер и ТФТ Скопје ќе ја претставуваат нашата земја во АБА 2 лигата.
За сезоната 2022/2023 КК Пелистер ги промовираше новите играчи, тие се Хаџифејзовиќ, Сапунџиев, Јовановски, Ристовски, Двојаковски и Американците Карутерс и Овенс. Претходно клубот го напушти Кесар, Малешевиќ, Крстајиќ, Хотон, Младеновиќ и Ѓуроски.
На 8 октомври ќе стартува новата сезона во Првата македонска лига, а Пелистер во првото коло ќе му гостува на Гостивар.