Коронавирусот го нокаутира боксот: Одложен мечот помеѓу Џошуа и Пулев
Очекувано бокс мечот во тешка категорија е одложен поради пандемијата со коронавирусот.
Ентони Џошуа титулите во ИБФ, ВБА, ВБО и ИБО верзиите требаше да ги брани против Бугаринот Кубрат Пулев на 20 јуни на стадионот на Тотенхем, но очекувано овој боксерски спектакл е одложен.
Менаџерот на Џошуа, Еди Херн, објави дека работи на одредување на нов термин за борбата како и дека не е исклучено локацијата на остане непроменета, а како нов термин се споменува јули.
Еди Херн исто така открива дека нема шанси борбата да се одржи без присуство на публика и доколку не пандемијата на коронавирусот не биде ставена под контрола, можно е да дојде до уште едно одложување.
Последната борба на Ентони Џошуа беше во декември минатата година кога во Саудиска Арабија успеа да го победи Енди Руиз јуниор и да си ги врати титулите. Интересно е што Бугаринот требаше уште во 2017 година да боксува против Џошуа но борбата беше откажана поради повреда на рамото на Пулев.