Коралите на Големиот корален гребен во Австралија биле повеќе од преполовени во текот на изминатите 25 години. Научниците повторно предупредуваат – светски познатото обележје ќе стане непрепознатливо!

Истражувачите од „ARC Centre of Excellence for Coral Reef Studies“ во Таунсвил ги анализирале коралните предели и нивната големина помеѓу 1995 и 2017 година и откриле дека бројот на мали, средни и големи корали паднал за повеќе од 50%.

Коавторот на студијата, професорот од Универзитетот Џејмс Кук, Тери Хјуз, изјави дека откриле масовното „белеење“ на коралите предизвикано од рекордните температури на водата во 2016 и 2017 година што имало фатално влијание врз исцрпувањето на коралите.

„Почнав да ги истражувам гребените во 1995 година, и она што последователно се случуваше сигурно не беше планирано. Оттогаш поминаа пет големи настани на белеење, од кои три во последните пет години“, рече Хјуз, додавајќи дека ова е загрижувачко.

Додека малите, средните и големите корали биле исцрпени, се потенцира и намалувањето на поголемите корали што само по себе е најголема закана за способноста на гребенот да биде место за „мрестење“.

Истражувачот Хјуз рекол дека видовите корали кои претрпеле најзначајно „истребување“ биле коралите стагхорн, исто така познати како разгранети корали и трпезни корали.

„Тие два вида корали се најдимензионални – тие формираат живеалишта“, рекол тој.

Губењето на живеалиштата има силно влијание на огромен број риби и на непродуктивноста на риболовот на коралните гребени. Ескалацијата на глобалното затоплување е голема закана за екосистемите на коралниот гребен.

„Немаме многу време за губење. Мислам дека ако можеме да го контролираме затоплувањето некаде помеѓу 1,5-2 степени над прединдустриските нивоа, според Парискиот договор, тогаш ќе имаме гребен. Но, ако дојдеме до 3-4 целзиусови степени тогаш никој нема да го препознае Големиот корален гребен“, изјавил тој.

Дали е доцна да се спаси Големиот корален гребен?