Колку време во просек им треба на мажот и жената да си кажат „те сакам“?
Една од најголемите пресвртници во секоја нова врска е кога со вашиот партнер за првпат ќе си кажете „те сакам“.
Истражувањата покажаа колку време во просек им е потребно на луѓето да ја признаат својата љубов.
Студијата, која беше објавена во списанието за социјални и лични односи „Journal of Social and Personal Relationship“, опфати 3.109 возрасни лица од Австралија, Бразил, Чиле, Колумбија, Франција, Полска и Велика Британија.
Меѓу другото, беше наведено дека мажот е поверојатно прв да ѝ каже на партнерката дека ја сака. На мажите им требаат просечно 107 дена за да ја признаат својата љубов, а жените го прават овој чекор во просек по 122 дена.
Во резултатите од споменатото истражување пишува и дека мажите почнуваат да размислуваат за љубов по 69 дена врска. Жените почнуваат да размислуваат за неа по 77 дена.