Кој е подготвен за судирот меѓу Азербејџан и Ерменија – Едната страна има драстично повеќе војници
Сите параметри на воена способност и опременост покажуваат дека Азербејџан е подготвен за судирот со Ерменија кој изби заради областа Нагорно-Карабах.
Тоа го покажуваат податоците на сајтот „globalfirepower“.
Во однос на луѓе, Ерменија има 1.696.085 подготвени, додека Азербејџан располага со дури 5.042.346 достапни луѓе за војување.
Ерменија има 45.000 активен воен персонал, а во резерва 200.000, додека Азербејџан има дури 126.000 активни војници и 300.000 во резерва.
И буџетите на двете армии покажуваат нерамномерност меѓу силите во конфликтот. Ерменија располага со 1.385.000.000 американски долари, додека буџетот на азербејџанската војска изнесува 2.805.000.000 долари.
Азербејџан има двојно повеќе авиони, 147 и 88 хеликоптери, додека Ерменија располага со 64 авиони и 37 хеликоптери. Ерменија има 110 борбени тенкови, а Азербејџан 570.
Судирите избија утринава меѓу ерменските и азербејџанските сили околу Нагорно-Карабах, областа во која мнозинство се Ерменци, а која прогласи оделување од Азербејџан во деведесеттите години.
Регионот Нагорно-Карабах соопшти дека во денешните судири со силите на Азербејџан загинале 16 нивни војници и дека се ранети повеќе од 100.
Се бројат мртвите во судирите меѓу Азербејџан и Ерменија: Загинаа 16 Ерменци, повредени се над 100