Кои спортови се најризични, а кои најбезбедни од коронавирусот?
За колективните спортови, се препорачува на натпреварувачите да се тестираат 48 часа пред секој натпревар, покрај другите мерки..
Министерството за спорт на италијанската влада и тамошниот Олимписки комитет објави една интересна студија. Во соработка со научни институции, составен е список на спортови по категорија на ризик од ширење на коронавирусот.
Италија е една од најпогодените земји за време на пандемијата, се почести се најавите за враќањето во спортовите и натпреварувањата, но воедно сериозно се гледаат сите можни последици. Обемната студија, која може да биде добар водич не само за Италијанците, туку за сите земји, подели дури 387 спортски дисциплини во ранг од нула до четири.
Така, спортови кои имаат нула ризик од ширење на заразата се едрењето, пливање на отворени води, голф и тенис. Практикувањето во овие спортови не нуди речиси никаква можност за ширење на инфекцијата, велат експертите.
За тенисот се пропишани посебни правила за да се оправда нулта статус, на играчите им се советува да носат наочари и ракавици, секој тенисер да има свои топки на сервис и да се избегне ситуацијата двајцата играчи во исто време дојдат на мрежа.
Во категоријата нула и еден се единствено индивидуалните спортови, а на пример атлетиката е сместена во категоријата број 1.
Кога станува збор за колективните спортови, најнизок ризик од ширење на заразата има ватерполото, што е во категоријата број два.
– Ватерполото се игра во хлорирана вода, што може да го оневозможи ширењето на вирусот – се вели во студијата.
Во спортските сали, контактот е почест, просторот е помал, а за одбојката е специфично, со играта на мрежа и натпреварувачите се многу блиски едни до други.
За колективните спортови, се препорачува на натпреварувачите да се тестираат 48 часа пред секој натпревар, покрај другите мерки, како што се носење маски на клупите за резервни играчи или дезинфекција на сите реквизити и простории.
Во најзагрозената, четврта категорија спортови се и сите боречки вештини. Фудбалот се наоѓа во категоријата три, додека во најлошата категорија број четири се кошарката, одбојката и ракометот.