Клучот од занданата во која починал Наполеон продаден за 92.000 евра
Клуч од занданата во која починал Наполеон Први Бонапарта, додека бил во заточеништво на британскиот остров Света Елена, е продаден на аукција во Лондон за 81.900 фунти (92.000 евра).
Како што објави аукциската куќа „Сотби“ во Лондон, парчето метал долго 13 сантиметри, а старо повеќе од два века, беше продадено за многу повисока цена од првичната проценка на околу 5.000 фунти (5.500 евра). Организаторите пред продажбата објавија дека клучот е пронајден во кутија во куќа во Шкотска. Сопствениците знаеле дека го имаат клучот, но не знаеле каде точно се наоѓа.
“La famille qui l’avait a toujours su qu’elle était là quelque part, mais elle avait été cachée”https://t.co/2mjFtD3Oz6
— La Provence (@laprovence) January 15, 2021
Еден војник, по име Чарлс Ричард Форд, кој бил на Света Елена по смртта на францускиот император во 1821 година, го зел клучот и го однел во Шкотска за да ѝ го подари на мајка си, инаку голема обожавателка на Наполеон, која му испраќала слатки и книги на императорот за време на неговото заточеништво.