Како единствени внуки на починатата принцеза Дијана, токму тие ќе наследат и дел од нејзиниот накит, но едната од нив, сепак, е во предност, па се претпоставува дека се ќе оди во рацете на принцезата Шарлот, ќерката на Кејт Мидлтон и принцот Вилијам.

Шестгодишната принцеза Шарлот најверојатно ќе го наследи најголемиот дел од накитот од богатата колекција накит на својата покојна баба Дијана, додека дел ќе добие и на нејзината четиримесечна братучетка Лилибет Дијана Маунтбатен-Виндзор, новородената ќерка на принцот Хари и Меган Маркл. Како единствена внука на принцезата Дијана, која девојчињата немаа можност да ја запознаат, токму тие ќе ја имаат честа да го чуваат споменот на својата баба и тоа преку накитот и дијадемите што ќе ги носат кога ќе пораснат.

 

View this post on Instagram

 

A post shared by Princess Charlotte Cambridge (@hrhprincesscharlottee)

Добро упатени извори од палатата тврдат дека Шарлот ќе може да избере поединечни парчиња накит, но и дека неколку скапоцени парчиња се ставени настрана само за неа. Така, како што пишуваат британските медиуми, принцезата Шарлот штом ќе биде доволно возрасна за да ја носи, ќе ја наследи познатата тијара на Дијана, чија вредност е непроценлива.

Познатата дијадема Спенсер е најпознатото парче накит што принцезата Дајана го носеше на денот на нејзината венчавка во 1981 година, а потоа го носела неколкупати во различни прилики.

Фото: Профимедиа

А, иако некои медиуми повторно се обиделе да направат метеж и да ги скараат членовите на кралското семејство, со написите дека Шарлот на сите им е помила од Лилибет и дека тоа е причината зошто таа ќе го добие поголемиот дел, тоа е едноставно – лага. Причината е едноставна, а тоа е што Шарлот е постара од Лилибет, па затоа и има право на предност.

Според кралскиот протокол, членките на кралското семејство не смеат да носат дијадеми се до сопствената венчавка.