Градоначалникот на Општина Гази Баба, Бобан Стефковски информира дека и годинава ќе се избира најубав празнично новогодишно украсен двор или простор во општината и ги повика сите жители да се вклучат и да учествуваат на објавениот јавен повик.

Најубаво новогодишно украсување! По повод новогодишните и Божиќните празници, Општина Гази Баба ги повикува сите жители да се вклучат и заеднички да го разубавиме просторот во кој живееме и работиме“, напиша Стефковски.

Сите жители можат да конкурираат со своите украсени дворови и тераси, но и со заедничкиот простор пред зграда, како и простор пред стопански субјект, градинки и основни училишта.

Пријавувањето ќе трае до 23 декември до 16 часот и може да се изврши телефонски на бројот 076 469 554, како и физички на општинскиот шалтер. Пријавата треба да содржи адреса на живеење и телефон за контакт.

Комисија од општината ќе ги посети пријавените локации на 25 декември по 17 часот, а како што соопшти градоначалникот ќе има награди за најкреативните и најубаво украсени простори.