Кардиф мора да му плати отштета на Нант за трансферот за трагично загинатиот Сала
Управата на Кардиф ќе мора да му го плати првиот дел од обештетувањето на Нант за трансферот на аргентинскиот фудбалер Емилијано Сала, кој загина во авионска несреќа, одлучи Судот за спортска арбитража.
Авионот во кој бил Сала, летал од Нант за Кардиф за откако фудбалерот во јануари 2019 година потпишал договор вреден 17,7 милиони евра и паднал во Ла Манш.
Остатоците од авионот и телото на 28-годишниот фудбалер се откриени по речиси три недели од несреќата. Кардиф поднесе жалба на одлуката на ФИФА, која претходно му наложи на тимор од Велс да му плати шест милиони евра на Нант, односно првата договорена рата од трансферот, а судот за Судот за спортска арбитража ја потврди одлуката на Светската фудбалска федерација.
– Советот на Судот за спортска арбитража утврди дека трансферот на играчот од Нант во Кардиф Сити е завршен. Поради фактот што условите наведени во договорот за трансфер беа исполнети пред смртта на играчот, Нант има право на исплата на првата рата од обештетувањето – стои во соопштението на Судот.